Претседателот на Украина, Володимир Зеленски, денес изјави дека Русија ќе биде одговорна за секој одземен живот.
Во видео-порака, тој им се заблагодари на сите во светот кои и помагаат на Украина.
„Patriot, Iris, Nasam… секој од тие системи (системи за воздушна одбрана) веќе спасил најмалку сто животи“, истакна Володимир Зеленски.
Според неговите зборови, денеска во Украина биле лансирани речиси 100 проектили од различни типови, соборени се најмалку 70 проектили, од кои речиси 60 биле во областа Киев.
„Имаше жестоки напади и врз Харков. Последиците сега се елиминираат. За жал, има мртви луѓе“, истакна тој.
Володимир Зеленски изрази сочувство до семејствата и пријателите на починатите.
„Многумина починаа. Сите ја добиваат потребната помош. Им благодарам на работниците на Државната служба за итни случаи на Украина, полицајците, докторите, на сите што им помагаат на луѓето“, додал претседателот на Украина.