-Во Белград се одржа 26-от протест „Србија против насилството“, кој претставува прв протест што се одржаа откако проевропската опозиција која ги организира протестите најави дека заедно, со една изборна листа, ќе учествуваат на претстојните вонредни парламентарни, покраински, локални и избори за градот Белград, јави дописникот на МИА од Белград.
Вечерашниот протест се одвива со блокада на централните белградски улици, долж таканаречената „медиумска рута“ од Народното собрание до зградата на РТС.
На протестот од минатата недела почнаа да говорат и политичари, а денес говореше опозицискиот пратеник Небојша Зеленовиќ кој порача дека „се мора да биде фер или нема да има промени“.
Александар Јовановиќ Чута од Еколошкото востание за Н1 изјави дека идеологијата мора да се остави на страна, дека само здружената опозиција може да го „урне Александар Вучиќ“ и ја повика десницата на обединување.
– Почнуваме кампања, овие протести ќе продолжат и мислам дека во четврток ќе бидеме во Ужице. Допрва треба да се договориме за форматот на протестот. Цела Србија е еден голем протест во последните 10 години. Целата таа енергија треба да се насочи како на овие избори. Тоа е место каде што се одржуваат проблемите, а сè друго само не води кон уште поголемо насилство“, рече тој и ја повтори својата поддршка за десницата на обединување.
Во петокот постигнат е договор за заеднички настап на опозицијата собрана околу протестите „Србија против насилство“ на претстојните парламентарни, покраински, локални и избори за градот Белград на 17 декември.
Партијата за слобода и правда (ССП), Народното движење на Србија, Зелено-левиот фронт/Не го давиме Белград, Срце, Еколошкото востание, Демократската партија (ДС), Движењето на слободни граѓани (ПСГ) и партијата Заедно се договорија заеднички да учествуваат на изборите на основа на добрата соработка во парламентот, заедничката организација на протестите „Србија против насилството“ и бројни други акции кои овие организации заеднички и поединечно ги спроведоа со цел Србија да биде добро место за живеење на сите граѓани.