Црвена Звезда донесе одлука која ќе ги израдува навивачите, Шериф Ндијаје нема да го напушти клубот без оглед на тоа како ќе завршат квалификациите за Лигата на шампионите.
Генералниот менаџер на Црвена Звезда, Звездан Терзиќ, неодамна изјави дека ниту еден од клучните играчи не може да си замине додека не завршат квалификациите за Лигата на шампионите. Сепак, Шериф нема да добие дозвола да си оди дури и по борбата за елитата, објави ТВ Арена Спорт. Звезда сака да го задржи без оглед на фактот дека Марко Арнаутовиќ пристигна пред неколку недели.
„ Спортскиот сектор на клубот од Љутице Богдан одлучи дека Ндијаје не е на продажба ова лето. Дури и да беше трансферот во тек, тој немаше да се реализира пред крајот на квалификациите за Лигата на шампионите на УЕФА, но клубот дефинитивно одлучи да ги отфрли сите понуди за најдобриот стрелец на тимот“ , наведува споменатиот портал.
Влијанието на Шериф врз играта ги „принуди“ челниците на Звезда да стават крај на заминувањето на еден од најдобрите играчи, а од друга страна, напаѓачот сака да остане во редовите на српскиот шампион и покрај понудите.
Договорот на сенегалскиот напаѓач истекува следното лето. Затоа долго време се шпекулираше дека Звезда би можела да го продаде. Се споменуваа понуди од Англија и Франција , меѓутоа, како што стојат работите сега, ништо нема да произлезе од тоа бидејќи тие решија да го задржат на „Маракана“. На официјалните натпревари, Шериф Ендиаје има 38 гола за Звезда и 11 асистенции.
За потсетување, Звезда ќе го игра реванш натпреварот од третото коло од Лигата на шампионите против Лех во вторник (21 часот, РТС 1, Арена Премиум 1) , откако победи со 3:1 во Познањ. Потенцијален ривал на Звезда во плејофот од Лигата на шампионите е победникот од натпреварот меѓу Динамо од Киев и Пафос, кои ја добија првата средба со 1:0.