Претседателот на Алтернатива, Африм Гаши, во „Летен клик“ на ТВ21 рече дека денеска заедно со Билал Касами и Изет Меџит ќе одржат прес-конференција во врска со процесот на уставни измени.
Гаши рече дека како партија се залагаат за што побрзо уставни измени, за деблокирање на евроинтегративните процеси и за враќање на младите во земјава.
„Утре е денот, утре седница, тоа е нормална процедура, само треба да не го одвлечат, да го стават на гласање. Или имаме 80 гласа и продолжува процесот на промена, или ако нема 80 гласа, разбираме дека нема и разбираме дека овој состав ги нема гласовите и одиме на избори“, рече Гаши.