Германија се соочува со станбена криза која би можела да трае со години доколку нејзините услови не бидат суштински подобрени, оценуваат германските економисти и градежни експерти, пишува германската медиумска агенција dpa.
Брзиот раст на трошоците за изградба го отежна приватно финансираната станбена изградба да стане непрофитабилна за многу претприемачи.
За да се покријат овие трошоци, киријата на нов стан по квадрат треба да биде 18 евра, проценува Работната група за современо градежништво (ARGE) со седиште во Кил.
Изградбата на станови во Германија е поделена на социјални станови, субвенционирани од државата и приватно финансирани станови, кои треба да бидат самоодржливи.
Според ARGE, просечниот трошок за изградба на квадратен метар станбен простор – вклучувајќи ги и трошоците за земјиште – во моментов е околу 5.200 евра.
„Изградбата е едноставно прескапа“, вели Лудвиг Дорфмајстер, експерт за градежништво и недвижнини во минхенскиот Институт за економски истражувања „Ифо“.
„Во мај, градежните цени на конвенционалните нови станови беа за 36 отсто повисоки отколку на почетокот на летото 2020 година“, вели тој.
Зголемувањето на каматните стапки влијае и на приватните градежни и станбени компании.
„Во многу случаи, тие ги одложуваат проектите бидејќи бараната кирија финансиски би ги оптоварувала идните станари“, вели Лудвиг Дорфмајстер.
Во меѓувреме, Владата сериозно ги ограничува субвенциите за нови градби од 2022 година, пишува агенцијата dpa.
„И покрај очекуваните напори на сите инволвирани, не очекувам пресврт на трендот, туку дополнителни сериозни загуби на пазарот“, вели експертот.