По неколку години криза, економското закрепнување на Германија е веројатно следната година. Сепак, американската царинска политика продолжува да претставува закана за тоа закрепнување.
Имено, проценката на одредени истражувачки институти е дека закрепнувањето ќе се случи следната година. Така, Минхенскиот институт за економски истражувања (Ifo) процени дека економскиот раст на оваа земја ќе биде 1,5 проценти во 2026 година, што е речиси двојно повеќе од првично проценетите 0,8 проценти. Покрај тоа, тие очекуваат растот оваа година да биде 0,3 проценти, додека првичната проценка беше дека ќе биде 0,2 проценти.
Во Институтот за светска економија (IfW), чие седиште е во Кил, тие проценија дека растот ќе изнесува 1,6 проценти, што е за една десетина од процентен поен повисоко од нивната првична проценка. Понатаму, тие очекуваат растот оваа година да биде 0,3 проценти, додека нивната првична проценка беше дека нема да има раст.
Една од причините за ваквите проценки е најавата на новата германска влада дека ќе ја подобри економијата со низа мерки. Всушност, производството во првиот квартал од оваа година е веќе поголемо за 0,4 проценти, а примарна причина за ова е извозот во САД, поголемата приватна потрошувачка и растот на инвестициите.
Сепак, растот на американските царински стапки би можел да има штетно влијание и врз економијата на најголемата европска економија, објавува tagesschau.