Германија се подготвува да депортира млади Сиријци од земјата дури и ако немаат полициско досие, соопшти денес Министерството за внатрешни работи.
Главната цел, како што изјави министерот за внатрешни работи Александар Добринт за весникот „ Билд“ , е да се вратат „млади, способни мажи“ во Сирија . За секоја депортација е потребен договор со новата влада во Дамаск.
Германија не депортирала директно луѓе во Сирија од 2012 година поради граѓанската војна. Продолжувањето на обработката на барањата за азил е првиот чекор во таа насока.
Мерц ветува построга миграциска политика
Кога на Сиријците им било наредено да ја напуштат земјата во изминатите години, по правило, тие биле префрлени во друга членка на Европската Унија одговорна за нивното барање за азил, бидејќи тоа била првата земја во која влегле во Унијата.
Но, соборувањето на репресивниот режим на Башар ал-Асад во декември го промени начинот на размислување во Берлин.
Централно-десничарската коалиција на канцеларот Фридрих Мерц, која ја презеде власта во мај, вети построга политика за миграцијата, вклучително и одбивање на нови баратели на азил, особено оние со полициско досие.