Полицијата во Албанија се уште трага по жена (39) која со три мали деца скокнала во реката Бојана, во саботата вечерта во водата е пронајдено тело на девојче (9), а нејзиниот сопруг (31) е уапсен под обвинение за семејно насилство.
Според „Вокс њуз“, пред нејзиното исчезнување, на телефонот на нејзиниот сопруг видела фотографии и видеа од неговата осумнаесетгодишна љубовница. Името на љубовницата не е познато освен иницијалите бидејќи биле внесени во неговиот телефон. Сестрата на исчезнатата жена во полиција изјавила дека тој бил насилен кон сопругата и децата.
Во меѓувреме, додека трае потрагата по неа и уште две други деца, откриено е дека таа наводно од одмазда скокнала во реката Бојана. Ги земала децата со себе бидејќи тој и открил дека планира да донесе љубовница дома.
“И реков на ќерка ми, гледаш во човек кој повеќе не те сака. Пушти го да си го живее животот, а ти гледај се себе. Таа ми рече дека не може да донесе таква одлука бидејќи ние не сме такво семејство. Научени сме да умреме со партнерот кој го избравме. Ваквите приказни обично не завршуваат добро“, рекол таткото на несреќната жена.
Сестрата на жената и открила на полицијата дека тој бил насилен кон сопругата и децата. Според неа, тој често и се заканувал дека „децата не се нејзини“.
„Земи ми ги децата и ќе те убијам“, ѝ рекол сопругот на сопругата.
Сестрата потоа раскажа како дознала за исчезнувањето на нејзината сестра. Сè се случи во средата на 1 мај во вечерните часови.
„Ми се јави во 10 часот навечер на 1 мај и ме праша дали брат ми ја возел неа до Драч. Го прашав зошто не е дома. Тој ми рече дека не е дома, по што веднаш му се јавив брат ми и внукот ми рече дека не дошла кај нив. Повторно му се јавив на брат ми но телефонот му беше исклучен. Никогаш не се случило јас и таа да не се чуеме толку долго. „Само тој ден се слушнавме помалку од вообичаено“, рекла сестрата.