Глобализацијата, мултикултурализмот и мешаните бракови.

Креирање хибриден семеен идентитет.

Мултикултурализам и мешаните бракови

Мултикултурализмот е идеја во која што се признава постоењето на различни религии, различни верски обичаи и различни традиции. Ако го признaваме постоењето на различноста тогаш го толерираме тоа што е различно  на религискиот друг. Мултикултурализмот ни овозможува да разбереме огромен број на информации преку интернет и преку поединците коишто се од различна религиска припадност за нивните религиски обичаи. Ќе цитирам една мисла на Нелсон Мандела вели: „Мојот сон е мултикултурно општество, едниот дел е разновидноста, каде што сите мажи, жени и деца ќе се третираат еднакво, јас мечтаам за свет во којшто  ќе работат сите луѓе од различни раси, култури  во хармонија”.

За оваа мисла не се согласувам во целост затоа што постојат пречки во начинот на комуникација од различни етнички групи. На пример кај нас постојат институции во кои што се вработени поединци и од друга национална припадност освен македонска. Во нив некои од вработените немаат познавање на македонски јазик што ги спречува да си ги вршат своите работни задачи и одговорности без потешкотии. Често се случува и да се направи грешка на некој државен документ како на пример извод на родени, на умрени и сл. Како бариера ја напишав комуникацијата, посебно таа таканаречена крос-културна комуникација која што ги спречува поединците од други религиски групи и јазични припадности да комуницираат меѓусебно тогаш кога не го познаваат јазикот на другиот.

Колку и да се трудиме да го почитуваме религиски различниот од нас, не можеме до целост да го испочитуваме туку можеме до одредена граница, делумно. Па така од тука можеме да заклучиме дека мултикултурализмот има и позитивни и негативни страни. Религискиот мултикултуразизам преку процесот на глобализација го забрзува тоа запознавање со други култури,  религии преку документарни филмови, одредени анализи и  интернетот.

Општиот мултикултурализмот има свои функции: да создаде еднаквост, респект и религиска толеранција, да не ги дискриминариме другите врз база на религија и раса, да не дискриминираме врз база на тоа кој во каква средина живее без разлика дали живее во рурална или урбана.

Често се случува на пр. корисникот на здравствена услуга да биде дискриминиран врз база на религија, да има помалку можност да стапи во контакт со одредена здравствена установа и поради таа причина да има помалку здравствени информации.

Односно ако ги поврземе мултикултурализмот и религиската толеранција ќе разбереме дека треба да ги почитуваме и другите култури, народи,  извршувањето на некој религиски ритуал на религиски различниот затоа што живееме во една мултиетничка земја, земја во која што се говорат неколку јазици, македонски, албански, турски, српски, и други јазици.

Од мултикултурализмот потекнуваат и мешаните бракови. Денеска САД  се изворот на голем број на информации за тие мешани бракови безразлика  дали станува збор за различни раси, религија и друго. Постојат мешани бракови ширум светот, а еден од попознатиот светски пар кои што припаѓа во оваа категорија е бракот на Пријанка Чопра и Ник Џонас.

Тие прво правеа свадба по обичаите од страна на семејството Џонас каде што таа носеше венчаница, а потоа семејството на Пријанка Чопра правеше свадба по нивни обичаи каде што Чопра носеше индиски традиционален венчален фустан во црвена боја. Тие на социјалните мрежи имаа објавено дека имаа добиено бебе од сурогат мајка и  беа многу силен пар кои што само на  таков начин  успеаа да пројдат преку сите препреки со кои се соочија, првата препрека се различните земји, втората е дека Пријанка Чопра е припадник на хиндуизмот, а Ник Џонас е припадник на  христијанството. Парот го помина Денот на благодарноста заедно во Мумбаи со семејството на Пријанка. Сепак, традиционалниот американски празник не беше единственото нешто што вреди да се слави. За една недела по денот на благодарноста  парот официјално  стана маж и жена. Нивната тридневна свадбена прослава ги комбинираше и христијанските и хинду брачните традиции и кулминираше со церемонија во легитимната палата во Џодпур.

Бидејќи ни е познато на каков начин се одвиваат свадбените церемонии во христијанството, сега во продолжение од мојот текст ќе објаснам за тоа како се одвива една хиндуистичка свадбена церемонија и според кои ритуали се одвива таа.

14 Свадбени ритуали кои ќе ги сретнете во Хинду свадба и нивното значење зад нив

1. Сите учествуваат на Sangeet

¹ Пред вистинската венчавка, има собир наречен sangeet  или garba  каде што семејството се собира за да пее, танцува и ужива во радоста на претстојната заедница. Соодветно, sangeet директно се преведува како “пее заедно“. Секоја страна од семејството пее традиционална народна песна за да им посака добредојде на другата, а членовите на семејството може дури и да одржат целосни изведби во прослава и дрска конкуренција.

• Рацете и стапалата на невестата се украсени со Хена

Церемонијата на mehndi, голема забава на која традиционално присуствуваат само блиски пријателки и членови на семејството на невестата, ја започнува самата венчавка. Настанот обично се случува еден ден пред свадбата (ист ден како и sangeet), бидејќи процесот може да трае со часови. За време на свеченостите, пастата од Хена се користи за нанесување на сложени дизајни на привремена декоративна уметност на рацете и нозете на невестата. Иако дизајните обично одразуваат цветни мотиви, вообичаено е да се сокрие името на нејзиниот партнер во уметничкото дело и да се гледа како тие се обидуваат да го најдат подоцна – процес за кој се верува дека ја одразува количината на трпеливост што ќе биде присутна во нивниот брак. Всушност, многу хинду верувања се фокусираат на значењето што го открива бојата на свадбената Хена.

• Невестата носи црвен фустан

Не очекувајте невеста во бело на хинду свадба! Традиционално, невестата од Јужна Азија ќе носи црвено сари или модерна ленга за да се завитка на денот на нејзината венчавка.

• Пристигнувањето на младоженецот е прослава сама по себе

Доаѓањето на младоженецот  на местото на церемонијата, наречено вара јатра , се слави со голема радост. Како што пристигнуваат гостите, тие се делат на страната на невестата и страната на младоженецот.

Страната на невестата ќе биде насочена кон место за состаноци додека гостите на младоженецот му се придружуваат на неговото влегување во процесија.

Ова значи дека по пристигнувањето, гостите на младоженецот ќе бидат пренасочени и пречекани од другиот сет на родители, семејството и пријателите со музика во живо и танцување. Забавата е проследена со  фрлање ориз, познато како акшат, а на младоженецот му се подарува чинија со запалена светилка (или арати) и венец. Понекогаш се администрира и тилак, или точка на челото.

• Таткото невестата ја дава

Невестата на церемонијата ќе ја водат или нејзините браќа или чичковци. Моментот кога таткото ја дава невестата е познат како кањадан. Во хинду традицијата, ниту еден младоженец не може да бара невеста додека не ја понудат.

• Парот се венча под Мандап

Свадбениот мандап, или свадбениот олтар, е привремена градба конструирана за целите на свадбената церемонија. Може да се појави на подигната платформа и е украсена со се, од цвеќиња и зеленило до ткаенина и кристали. На парот традиционално под мандапот им се придружуваат родителите и службеникот на церемонијата.

• Гори оган во центарот на Мандап

Во центарот на мандапот се пали оган. Хинду бракот е света тајна, а не договор. За да се означи одржливоста на церемонијата,  оганот се чува како сведок и се принесуваат жртви. Братот на невестата и дава три кесички ориз на невестата како желба за среќен брак на неговата сестра. Секој пат, невестата го нуди оризот на огнот. Оваа понуда е позната како хомам.

• Хинду-свадбените ритуали започнуваат со молитва до Ганеша

Церемонијата започнува со молитва до Ганеша, богот на почетоците и среќата и отстранувач на пречките. Се нудат поздрави за Ганеша да може го отвори патот за брачниот живот на парот. Објавена е готрата на двајцата идни венчани (назад најмалку три генерации). Готра е лозата на предците или оригиналниот клан на предците (ова не е поврзано со каста или религија). Според хиндуистичките закони, браковите не треба да се склучуваат во ист клан.

• Двојката разменува цветни венци за време на Џаи Мала

Џаи мала е венец составен од нанижани цвеќиња што се разменуваат помеѓу младенците. Ритуалот завршува така што секоја половина од парот носи по еден.

1. Невестата е украсена со ѓердан наречен Мангала Сутра

Невестата е обвиткана во ѓердан од црни и златни монистра од нејзиниот нов сопружник. Традиционално, Лакшми, хинду-божицата на богатството, богатството и просперитетот, се повикува во мангала сутра, или поволна нишка, и се вели дека невестата добива благослови во текот на нејзиниот брак. Регионалните варијации може да вклучуваат и мониста од црвена, бела или други бои.

1. Облеките на невестата и младоженецот се врзани заедно

Саптапади е важен ритуал во северноиндиските хинду свадби. За време на саптападите, младенците ги врзуваат облеките — обично се врзуваат превезот на невестата и појасот на младоженецот. Во Јужна Индија, парот оди заедно седум чекори за да го означи нивното пријателство. Во северноиндиската традиција, тие прават седум кругови околу церемонијалниот оган, секој круг означува специфичен благослов што го бараат од боговите. Главното значење на саптапади е воспоставување пријателство, кое е основа на хинду бракот.

1. Младенците се посипуваат  со ориз

Во јужноиндискиот обичај наречен таламбралу, или ритуал на среќа, парот се опсипува еден со друг со мешавина од ориз, куркума, шафран, па дури и бисери. Оваа традиција симболизира плодност, просперитет и среќа за идниот заеднички живот на парот. Исто така, обезбедува момент на лежерност и веселба за време на она што инаку може да биде посериозна церемонија. Во некои случаи, членовите од која било страна на семејството ќе се приклучат на ритуалот со тоа што ќе ги бодрат младенците или физички ќе им помагаат.

1. Црвениот прав се нанесува на косата на невестата, што означува дека е мажена

Sindoor, црвено-портокалов прав, се нанесува на делот од косата на жената, симболизирајќи го нејзиниот нов статус на мажена жена штом ќе заврши церемонијата. Традиционално, тоа го применува нејзиниот сопруг на денот на свадбата. Сите мажени жени, покрај невестата, можат да носат прав како знак на нивниот брачен статус. Додека некои се одлучуваат да го засенчат целиот дел од линијата на косата, други ќе го носат само како точка на челото во зависност од личните вкусови или регионалните обичаи.

1. Испраќањето на парот е емотивна видаи церемонија

Не завршуваат сите простувања на невести со  насмевки. Додека хинду невеста официјално го напушта својот дом за да започне нов живот со својот сопружник, збогувањето е охрабрувачко и плачливо за време на церемонијата на видеаи. Таа си оди ширејќи среќа и просперитет земајќи шаки ориз и монети кои директно ќе и ги фрлат преку глава за да ја покаже својата благодарност за времето и љубовта што и е дадена во домот на нејзините родители. Церемонијата Видааи е симболичен крај на свадбата свечености, а се карактеризира со тоа што родителите на невестата и даваат последно збогување со својата ќерка. Како што можеме да приметиме ритуалите за една хиндуистичка свдба се доста привлечни и доста интересни за истражување.

Денеска во една ера на современи генерации, ера во која што  најчесто двојките се запознаваат  од работа во странство или социјалните мрежи,  денес голем удел за создавање на  еден мешан брак  е  работата на брод.  Кога една личност работи на брод може да се соочи со огромен број на култури, религии, јазици и можеби тие непознати компоненти претставуваат привлечна сила за другиот. Подоцна кога тие ќе решат да стапат во брак може да се случи семејствата да пружаат отпор кон прифаќањето на партнерката или партнерот, но може и да ја прифатат и да решат да ја запознаат но и да ја прифатат неговата или нејзината религија во зависност од тоа дали се работи за маж или жена.

За да не настанат понатамошни проблеми од типот за тоа чии празници ќе се  празнуваат, правење на свадба, јазикот треба да се создаде односно да се креира еден хибриден семеен идентитет кој што ќе биде различен во сите семејства бидејќи сите семејства се различни на свој начин. Хибриден семеен идентитет е всушност идентитет кои што се создава со помош на двете семејства.

Креирање на хибриден семеен идентитет

За да се надминат тие горе наведени потешкотии потребно е да се создаде хибриден семеен идентитет. Хибридниот семеен идентитет всушност ќе создаде еден договор помеѓу семејствата по пат на разбирање.  Јас го прифаќам тоа што го направиле Ник Џонас и Пријанка Чопра со правењето на две традиционални свадби бидејќи на тој начин се испочитувале и двете религии и двете семејства. За да се создаде еден таков хибриден систем потребно е многу напор, време и енергија и пред се новите непознати работи да се прифатат и  да станат дел од едно семејство. 

◄ Jас сметам дека треба да се исполнат одредени клучни фактори за креирање на еден хибриден семеен идентитет, а тие се следниве:

1. Да се изучи јазикот на другиот за да се надмине бариерата за комуникација, во случај ако не се знае англискиот јазик како универзален
2. Да се празнуваат празниците на  другиот.
3. Доколку има потешкотии при прифаќањето на другиот брачниот пар да се исели од домот на родителите и пресели во друго живеалиште
4. Правење на две традиционални свадби според традиционални обичаи
5. Убаво да се изучи културата на другиот
6. Во однос на изборот за името на децата да се искористи некое универзално име
7. Доколку едното семејство ја прифати појавата тогаш не би постоле потешкотии при креирањето на еден таков идентитет
8. И како последен клучен фактор кој што можеби и е најважен од сите горенаведени фактори е семејството да биде информирано навремено дека во нивниот живот ќе влезе личност која што потекнува од друга раса или пак религија.

Глобализација, Мултикултурализам и Семејството

Глобализацијата како процес многу влијае и во семејствата во нивниот внатрешен систем, потоа во однос на комуникацијата помеѓу членовите, класичната вербална комуникација ќе се замени со комуникација преку технологиите, потоа во однос на нивната структура, бројот на децата и изборот на брачниот партнер . Ако глобализацијата ја споредиме со мултикултурализам ќе разбереме дека  мултикултурализмот ќе биде присутен се додека постојат различни култури,  религии и раси. Глобализацијата помага само побрзо да се запознаат тие ралични култури.

 Земјите никогаш нема да бидат со една религија, една раса и друго затоа што е присутен процесот на глобализација, брзиот начин на патување и  транспорт и најважното е тоа дека сите ние одиме да живееме во друга земја за да имаме подобри услови за живење, да ја развиеме кариерата, да решиме некои семејни проблеми потоа оперативни интервенции поради религиозните војни конфликти. Па така од тука секој индивидуално зависи поради која причина ќе почне да живее во друга држава. Поради тоа што начинот на патување е  поедноставен луѓето можат да патуваат во било која земја и да останат во таа држава.

Како за заклучок ако термините глобализација и мултикултурализам ги поврземе со семејството можеме да заклучиме дека глобализацијата со своите позитивни и негативни страни (тероризам) може да предизвика една несигурност и  небезбедност кај семејствата. Во однос на термините мултикултурализам и семејството тоа што е ново и непознато може да доведе нелагодност, може да доведе до неприфаќање, до промена на религија во случај ако дојде до не прифаќање на  другата религија. Доаѓаме до заклучок дека овие две појави внесуваат промени во семејството бидејќи тоа не може да остане имуно на сите промени кои што се случуваат во општеството.