Невиден скандал избувна во Германија кога беше откриено дека чистачка му помогнала на хирург да го ампутира палецот на еден пациент.
„Ова не требаше да се случи“, изјавил генералниот директор Норберт Фајфер по инцидентот во медицинскиот центар на Мајнц кој се појави во јавноста.
Норберт Фајфер наведува дека за време на процедурата со локална анестезија во октомври 2020 година, малиот прст на пациентот требало да биде отстранет. Пациентот наводно станал немирен за време на операцијата, а хирургот, кој планирал сам да ја направи процедурата, повикал помош од млада жена од компанијата за чистење.
„Многу ни е жал за лошото однесување на специјалистот“, рекол Норберт Фајфер и нагласил дека работниот однос со докторот завршил веднаш по процедурата.
Чистачката наводно ја држела ногата на пациентот за време на ампутацијата и ја бришела крвта на пациентот.
„Пациентот не беше повреден во таа прилика. Операцијата беше рутинска процедура. Често тоа би го извршил само еден хирург“, објаснил Норберт Фајфер.
Како што пишуваат германските медиуми, хирургот без проблем можел да добие поддршка од квалификувани специјалисти. Операцијата била околу 15 часот и 30 минути кога во медицинскиот центар има многу доктори.
Министерството за наука и здравство на германската сојузна покраина Рајнланд–Пфалц најави дека ќе посредува во еден случај кој е за жалење и не треба да се повтори. „Тоа е јасно кршење на прописите“, се наведува во соопштението.
Наводно, инцидентот го пријавила медицинска сестра која била распоредена во соседната операциона сала, која забележала чистачка со крвави раце и правосмукалка во раката.