Многу парови си го поставуваат прашањето – „Дали е нормално да се има секс секој ден“ во некоја фаза од нивната врска, особено кога им се чини дека луѓето околу нив немаат таква желба за секс и имаат секс поретко.
Секако, не постои недвосмислен одговор, бидејќи тоа првенствено зависи од сексуалниот апетит и желба на секоја личност поединечно, но треба да знаете дека апсолутно нема ризик да го правите тоа секој ден, пишува Entertainment Times.
Сексуалниот однос сам по себе е здрав дел од животот и не треба премногу да се грижиме кога и колку треба да го практикуваме, се додека партнерите меѓусебно се договорат. Меѓутоа, одговорот на тоа прашање првенствено зависи од тоа во каква врска сте, односно колку партнери се вклучени во тие врски и дали се почитуваат правилата поврзани со намалување на ризикот од пренос на инфекции.
Ако сте во кохабитатна врска каде што двајцата партнери имаат врски со други луѓе, можеби повеќе од еден, тогаш постои поголем ризик од сексуално преносливи болести или несакана бременост, што може да биде пречка за да се чувствувате безбедно во сексуалната врска.
Редовниот секс го зголемува нивото на хормони поврзани со доброто расположение и го намалува нивото на хормони поврзани со стресот и анксиозноста. Редовниот секс ни помага и подобро да спиеме и ја подобрува циркулацијата.
Освен тоа, за време на сексот се ослободуваат и хормони кои го зајакнуваат имунитетот. Постојат студии кои докажале дека луѓето кои имаат секс повеќе од два пати неделно имаат помал ризик од развој на кардиоваскуларни заболувања.
„Наместо штета, сексот позитивно влијае на вашето срце. Истражувањата покажуваат дека мажите кои имаат секс најмалку два пати неделно и жените кои изразуваат задоволство од својот сексуален живот имаат помал ризик од срцев удар“, велат експертите од Универзитетот „Џон Хопкинс“.
Иако се смета дека сексот е одлична физичка вежба која влијае и на подвижноста, сепак постојат некои индикации кога треба да размислите дали претерувате. Ако чувствувате болка во градите или ако имате потешкотии со дишењето, односно имате проблеми со неправилни отчукувања на срцето и симптоми на дигестивни проблеми, треба да престанете да имате секс.
Едноставно, немојте да имате секс ако не се чувствувате добро, бидејќи споменатите симптоми можат да бидат знак дека не сте му дале доволно време на телото да се опорави. А на воспалената кожа околу гениталиите и треба време да заздрави пред повторно да се препуштите на страста, а пауза од односите особено се препорачува доколку имате уринарна инфекција, а особено ако таа често се повторува.