Салото на стомакот е проблем за многу луѓе, а „магичните трикови“ за да се ослободите од него често се празни ветувања. Дознајте што навистина вели науката за губењето маснотии и како да постигнете здрави резултати.
Рекламите секојдневно нè бомбардираат со трикови за „рамен стомак за седум дена“, но вистината е малку поинаква. Науката е јасна: нема брзо решение за губење на салото на стомакот.
Не се сите масти лоши.
Мастите се важни за нормално функционирање на телото, тие ги штитат органите, складираат топлина и служат како резерва на енергија.
Но, салото на стомакот, особено висцералното сало околу внатрешните органи, може да биде опасно. Го зголемува ризикот од дијабетес, срцеви заболувања и хронично воспаление .
Зошто салото на стомакот е потврдоглаво?
Висцералните масти се поотпорни на согорување и влијаат на хормоните. Нивната количина зависи од генетиката, полот и начинот на живот.
Жените природно имаат повеќе телесни масти поради хормоналните функции, а кај некои луѓе мастите едноставно се таложат повеќе во абдоминалната област и потешко се губат.
Може ли маснотиите да се отстранат само од стомакот?
Не може да се насочи, телото само одлучува каде прво да согорува масти. Но, кога губите тежина генерално, се намалуваат и мастите на стомакот , особено ако тоа е вашето главно место за складирање.
Што навистина функционира?
Урамнотежената исхрана , редовната физичка активност, трпението и доследноста ќе ви помогнат да ги намалите масните наслаги на долг рок и на здрав начин, не само на стомакот, туку насекаде, пишува Sciencefocus .