Нашите домаќинки, во зависност од регионот на Македонија, бојадисуваат јајца на Велики Четврток или Велика Сабота. Но, колку јајца треба да се офарбаат?
Првото велигденско јајце кое домаќинката го бојадисува, според традицијата, мора да биде црвено, тоа е јајце чувар, а се верува дека го штити семејството и домот во текот на целата година, до следниот Велигден. Црвената боја ја симболизира крвта на Исус, но и радост. Други бои за јајца може да се изберат по желба.
Секоја домаќинка го подготвува бројот на јајца за бојадисување според потребите на своето семејство. Но, дали знаевте дека според народното верување треба да се бојадисаат точно 33 јајца? Бројот 33 го симболизира бројот на години кога Исус бил распнат.
Обичајот датира од античко време, се пренесувал од колено на колено, но мнозинството луѓе не го почитуваат, а во денешно време ретко која жена бојадиса точно 33 велигденски јајца. Сепак, не е на одмет да се потсетиме на старите народни обичаи.