Кралот Чарлс треба да присуствува на богослужбата во неделата на Велигден, како дел од неговото прво појавување во јавноста откако му беше дијагностициран рак , но принцезата од Велс не се очекува да дојде со него , пишува британски The Independent.
Чарлс и кралицата Камила, исто така, се очекува да седат подалеку од остатокот од заедницата во обид да го заштитат здравјето на монархот кога ќе присуствуваат на службата во капелата Свети Џорџ во замокот Виндзор овој викенд. Во претходните години, на кралот и неговата сопруга на настанот им се придружија принцезата Ана и сопругот вицеадмирал сер Тимоти Лоренс, како и Сара Фергусон, војвотката од Јорк и нејзините ќерки, принцезата Евгени и Беатрис.
Се верува дека принцот Вилијам и Кејт нема да дојдат годинава поради дијагнозата и лекувањето на ракот на војвотката. Неофицијалната информација дојде откако извор од палатата објасни зошто принцот Вилијам не се појавил во емотивното видео на Кејт во кое ја објавува нејзината дијагноза.
„Тоа е порака од принцезата за нејзиното здравје, а таа сакаше сама да ја пренесе пораката“, беше објаснето.
Инаку, интернет пребарувањата за ракот значително се зголемија по откривањето на принцезата од Велс дека боледува од тешка болест. Пребарувањата на Google за симптоми на рак буквално се зголемија откако Кејт откри со што се бори, потег што може да спаси илјадници животи. Пребарувањата за терминот „абдоминална хирургија“, операцијата која го откри ракот на принцезата, порасна за повеќе од 2.000 отсто во последните седум дена. Прашањата за „прогноза за рак на јајниците“ се зголемиле за 1.550 проценти, а оние за „прогноза за рак на желудник“ за 900 проценти. Д-р Даниел Ландау изјави за Daily Mail дека од објавувањето, пациентите станале посвесни за своите тела и многу луѓе очајни бараат уверување дека нивните симптоми не се рак.