Најдобриот тенисер во историјата Новак Ѓоковиќ ја шокираше тениската јавност кога се согласи да соработува со својот поранешен голем ривал Енди Мареј.
Ова ги воодушеви сите љубители на „белиот спорт“, освен неговите противници.
Швеѓанецот Матс Виландер најави уште една голема соработка, а времето ќе покаже дали има вистина во неа.
Аналитичарот на Еуроспорт тврди дека Рафаел Надал би можел да се грижи за кариерата на Карлос Алкараз.
– Многу е можно Надал да стане тренер, а можам да го замислам како тренер на Алкараз. Иако Карлос моментално го има еден од најдобрите тренери, Хуан Карлос Ферер, тој нема способност да го одржува истиот интензитет во текот на целиот натпревар – изјави Виландер.
Кралот на земјата сигурно ќе остане дел од тениската историја.
– Надал дефинитивно ќе остане во тенисот или како коментатор или како тренер и тоа е многу важно. Тој во иднина би можел дури и да стане Дејвис куп капитен на Шпанија – додаде Швеѓанецот.