Кошаркарот на Милвоки Бакс, Кајл Кузма и супермоделот Вини Харлоу, започнаа ново поглавје во својот живот – се верија на Денот на вљубените во спектакуларно романтична атмосфера.
За време на летот со приватен авион, опкружен со рози, Кузма прочита песна посветена на Вини и заврши со емотивно прашање: „ Дали ќе ми бидеш жена ?
Воодушевена и обземена од емоции, Харлоу веднаш рече „ да “, дури и пред нејзиниот вереник да го извади прстенот, кој се покажа дека е блескав дијамант од 8,5 карати.
И покрај тоа што цената на прстенот никаде не е наведена, цената на дијамантот од толку карати обично е околу половина милион долари, а самата изработка дополнително ја зголемува цената на вереничкиот прстен.
По свршувачката, парот отпатува на егзотичните острови Туркс и Кајкос, каде ги пречека семејството и пријателите, подготвени да го прослават еден од најсреќните моменти во заедничкиот живот.
Вини Харлоу, покрај својата голема убавина, стана специфична и единствена во светот на моделството поради витилигото, кожно пореметување поради кое некои делови од кожата немаат пигмент.
Congratulations to Kyle Kuzma & Winnie Harlow 💍❤️ pic.twitter.com/80XTTWmr13
— Complex Sports (@ComplexSports) February 18, 2025