Џоселин Рохо Каранза (11) од Тексас се самоубила затоа што пријателите ја малтретирале за имиграцискиот статус на нејзиното семејство.
Имено, девојката си го одзела животот бидејќи нејзините пријатели се заканувале дека ќе повикаат полиција која ќе ги депортира нејзините родители и ќе ги остави на мира.
Таа почина на 8 февруари, само пет дена откако беше пронајдена во несвест во нејзината семејна куќа.
Марабела, мајката на Џоселин, рече дека потресните околности што довеле до смртта на нејзината ќерка биле затоа што нејзините пријатели ја исмевале.
– Сакаа да викнат имиграција, да нè одведат, а таа ќе останеше сама – рекла мајката.
Иако мајката не го открила имиграцискиот статус на семејството, таа тврдела дека средното училиште во Тексас, САД, во кое учела нејзината ќерка, знаело за малтретирањето, но не предупреди никого понатаму. Понатаму, мајката дознала дека Џоселин добила советување, но дека тоа го дознала од инспекторите дури по смртта на нејзината ќерка.
– Изгледа дека училиштето било свесно за се, но никогаш, ама баш никогаш не ми кажале што се случува со ќерка ми. Изгледа дека одела двапати неделно да известува што се случува и што трпи. Сакам правда бидејќи ова не е фер. Училиштето беше несовесно, не ме информираа низ што поминува моето дете, инсистираше мајката.
Училиштето допрва треба да ја разјасни својата улога во овие инциденти.
„Секогаш кога добиваме извештај за малтретирање, реагираме брзо за да ја осигуриме безбедноста на учениците. Иако не можеме да дадеме никакви детали во врска со конкретни ученици или инциденти, училиштата работат според упатствата против малтретирањето“, се вели во извештајот.
Погребот бил извршен во католичката црква Света Марија, а ковчегот на девојчето бил завиткан во бела ткаенина на местото каде што била крстена пред 11 години.
Училишната полиција ќе продолжи со истрагата за инцидентите кои доведоа до наводно малтретирање и на крајот смрт на нивниот ученик.