Уставниот суд на Македонија денеска мора да го избере својот нов претседател. Мандатот на актуелната претседателка Добрила Кацарска истекува на 2 јуни.
На седница на тајно гласање, претседателот на Уставниот суд се избира од редот на судиите со двотретинско мнозинство од вкупниот број судии.
Секој судија може да предложи кандидат за претседател на Уставниот суд.
Предлогот за кандидат за претседател на Уставниот суд го утврдува комисија составена од тројца судии избрана од мнозинството од вкупниот број судии.
Доколку кандидатот не го добие потребното мнозинство гласови, постапката за избор на претседател се повторува.