Ѓорѓе Мијатовиќ, брат на потпретседателот на Владата на Федерацијата на Босна и Херцеговина, беше убиен на крајот на мај во парк во Вождовац. Се сомневаат дека до смрт го удриле две малолетници, а ова се нови детали од конфликтот кој и претходел на застрашувачката смрт.
Крвавиот инцидент, да потсетиме, се случи на тој кобен 26 мај на ручек. Двајца 16-годишни тинејџери дошле на теренот меѓу зградите, му ја одзеле топката на синот (13) на починатиот Мијатовиќ и играле фудбал, додека момчето чекало да му ја вратат топката.
– Еден од нив му дал пари и го испратил да им купи вода во киоскот. Кога тринаесетгодишникот им донел вода, тие му рекле дека можел да земе банана за себе – вели изворот на „Блиц“.
Тие сепак продолжија да играат со неговата топка, додека момчето цело време трпеливо чекаше. Тогаш татко му го повика дома на ручек:
– Сепак, тој не можеше да дојде бидејќи овие двајца не му ја вратија топката. Таткото се симнал долу и тогаш почнала караницата и бруталното тепање…
Смртен удар во слепоочницата
Насилниците го удриле Мијатовиќ во главата, од што тој починал при реанимација. Обдукцијата, според неофицијални информации, покажала дека добил шест удари во главата, од кои еден во пределот на слепоочницата.
Токму тој удар предизвика пукање на черепот, што доведе до епилептичен напад и срцев удар.
Двајца малолетници со одлука на Вишиот суд во Белград добија притвор до 30 дена. Тие се товарат за тешко убиство за кое е предвидена максимална казна од 10 години малолетнички затвор.