Во тек е истрага која ќе ги утврдува причините за пожарот и задушувањето на децата, информираат од Министерството за внатрешни работи на Србија.
Страшна трагедија се случи утрово во стан во српскиот град Нови Пазар . Спасувачите откриле четири детски тела во станот каде што избувнал пожарот. Децата најверојатно починале од задушување со јаглерод моноксид, додека повредените мајка и татко биле пронајдени во соседната соба. Во тек е истрага која ќе ги утврдува причините за пожарот и задушувањето на децата, информираат од Министерството за внатрешни работи на Србија.
Таткото и мајката се во тешка состојба, а со изгореници опасни по живот се пренесени во болница. Мајката има изгореници на 18 отсто од телото, а таткото египетски државјанин на 45 отсто од телото, пренесува Нова.рс.
Таткото на четирите деца кои утрово загинаа во пожарот во Нови Пазар се обидел да влезе во нивната соба преку терасата за да ги спаси, но не успеал да ја пробие вратата која се заглавила, пишува порталот Санџак Босна данас . Порталот пишува дека биле убиени тригодишни близнаци, двегодишно дете и бебе.
Иако истрагата е во тек и официјално не се знае причината за пожарот, Санџак Босна денеска пишува дека можна причина за пожарот е тоа што семејството ги користело шпоретот и греалките за да се стоплат. Веројатно се запалило нешто и така настанал пожарот“, вели роднина на семејството во чиј стан избувнал пожарот.