Израелската армија (ИДФ) објави дека рано утринава ги проширила своите копнени операции на северот на Појасот Газа, при што војниците влегле во источниот дел на Газа, во населбата Шејаја.
Според војската, целта на операцијата е проширување на безбедносната зона на Израел долж границата со Газа.
ИД соопшти дека досега убиле неколку терористи и уништиле инфраструктура, вклучително и команден центар на Хамас.
Исто така, војската им дозволи на цивилите да ја евакуираат областа за да се осигура нивната безбедност, со оглед на тоа што претходно беше издадено предупредување.
Најмалку 100 Палестинци беа убиени вчера низ Појасот Газа, меѓу кои најмалку 27 лица загинаа во напад на училиште, соопштија палестинските медицински власти.
Хамас го нарече нападот врз училиштето „грозоморен масакр на невини цивили“.
Телата на 14 деца и пет жени се пронајдени во училиште во населбата Туфа во Газа, додека бројот на загинатите може да се зголеми бидејќи некои од 70-те ранети се здобиле со критични повреди, изјави портпаролот на Министерството за здравство Захер ал-Вахиди.