Познатиот фудбалер Дејвид Бекам ја искористи можноста да се појави на профилот на Тик Ток на својата сопруга Викторија, и да се пошегува на сметка на нејзината линија за нега на кожа и брендот за шминка . Како што рече во сатиричен клип:
– Ако ја прашате Викторија, ова е најдоброто осветлување на кое снимате вакви работи.
@victoriabeckham Mr Beckham’s very own #VictoriaBeckhamBeauty ♬ original sound – Victoria Beckham
Дејвид Бекам на Тик Ток профилот на Викторија Бекам покажа како изгледа неговата „рутина за убавина“, т.е. како ги „покрива“ темните кругови и одржува „блескав изглед“. Поранешниот фудбалер добро се пошегува за големиот број клипови кои кружат на социјалните мрежи, но и за неговата сопруга.
– Значи, ставив малку од ова, но мојата сопруга ми вели дека ова е најдоброто место во куќата и светлина за снимање на вакво нешто. Се согласувам, но немам поим што правам сега. Сакам да ја хидрирам кожата и да се грижам за неа. Се разбира, најдобар начин да се грижите за вашата кожа е да ги користите производите на Викторија Бекам. Изблендајте го лицето како Бекамови – рекол Дејвид.
Викторија Бекам веќе некое време ја промовира својата нова козметичка линија. Пред лансирањето на брендот, таа изјави дека на 49 години конечно го прифаќа својот изглед, но дека никогаш не се појавила пред својот сопруг без да ги среди веѓите.
“Немам проблем со стареењето. Јас сум тоа што сум. Ќе дадам најдобро што можам со тоа што го имам. Се чувствувам лично и професионално многу постигнато. Не би сакала повторно да имам 25 години. Бев девојка која постојано се гледаше во огледало и размислуваше што не е во ред со мене. Вистината е дека се беше во ред. Потребно е долго време за да сфатиш дека тоа што го имаш е всушност одлично. Со годините доаѓа и самодовербата“, рекла Викторија.