Леонардо да Винчи некогаш ја знаел тајната на доброто здравје и животот преку исхраната, за која самиот се грижел.
Леонардо да Винчи, еден од најголемите умови на ренесансата, не бил само уметник и пронаоѓач, туку се занимавал и со теми кои се основа на здравиот живот денес. Неговите белешки откриваат дека имал извонредно развиена свест за важноста на исхраната, физичката активност и менталната рамнотежа.
Во своите дела, Леонардо запишал низа совети што изгледаат изненадувачки модерни, да се јаде само кога има глад, оброците да се одржуваат едноставни и лесни и добро да се џвака храната. Препорачувал да се избегнуваат лекови, да се стои кратко време по јадење, да не се спие во текот на денот и да се пие вино умерено, разредено со вода.
Да Винчи обрнувал големо внимание на хигиената, дишењето, спиењето и емоционалната контрола, верувајќи дека здравјето зависи од рамнотежата помеѓу телото и духот. Интересно е и тоа што бил фасциниран од кујната и измислил неколку уреди, како што е автоматски ражен за печење месо.
Неговите дела, создадени пред повеќе од пет века, покажуваат колку Леонардо бил пред своето време, промовирајќи ги принципите на здрава исхрана и начин на живот кои сè уште се основа на современите медицински совети.