Леонардо Дикаприо (50) и неговата девојка, италијанскиот супермодел Виторија Черети (26), се појавија на Канскиот филмски фестивал и предизвикаа вистинска бура со своите контрастни модни изданија.
Додека Виторија изгледаше како да излегла директно од виенски двор, Леонардо Дикаприо , судејќи според коментарите на социјалните мрежи, изгледаше како штотуку да се стркалал од кревет во изгужвана бела маица што личеше на пижами.
На вториот ден од фестивалот, познатиот актер се прошета низ толпата во темно сина јакна, но под неа јасно се гледаше избледена и згужвана бела маица, која не остана незабележана.
Наспроти него, Виторија Черети го украде шоуто во долга здолниште во боја на песок, елегантен кардиган со црвена чипка и совршено залижана плетенка наназад.
Модните експерти ја прогласија за една од најсофистицираните дами на фестивалот, а нејзиното издание го опишуваат како „вистинска модна бајка“.
Еден ден претходно, Леонардо беше дел од церемонијата на доделување на почесната Златна палма на неговиот долгогодишен пријател, Роберт Де Ниро (81). На таа церемонија, која ја следеше целиот свет, Дикаприо блескаше во класичен црно-бел смокинг, рамо до рамо со актерката Жулиет Бинош.
– Беше навистина емотивно да се види како Роберт ја добива најголемата награда на фестивалот – изјави извор близок до актерот.
Иако е познат по краткотрајните врски со помлади модели, Дикаприо сега се чини дека е навистина заљубен. Тој и Виторија се заедно речиси две години, а биле забележани на голем број егзотични локации – од Ибица и Сардинија, до Карибите и Свети Бартелеми.
– Виторија е најавтентичната партнерка што ја имал. Таа искрено го сака и го разбира неговиот ритам – изјавил изворот за британските медиуми.
Интересно е што парот наводно се запознал на Канскиот фестивал во 2023 година, иако Виторија во интервју за францускиот „Вог“ изјавила дека „се запознале во Милано“, не сакајќи да открие повеќе детали.