Поранешниот претседател на Русија, Дмитриј Медведев, предупреди дека конфликтот на Москва со Западот ќе трае со децении, додека конфликтот со Украина може да стане постојан.
Дмитриј Медведев, кој некогаш на Запад се сметаше за либерален модернизатор, е еден од најистакнатите руски јастреби откако Москва ја започна својата инвазија на Украина минатата година.
Тој сега е заменик-претседател на Советот за безбедност на Русија, а неговите ставови одразуваат дел од размислувањата на највисоко ниво во Кремљ, според руските власти.
Во написот за владиниот весник Gazeta, тој вели дека тензиите меѓу Русија и Западот се „многу полоши“ отколку за време на кубанската ракетна криза во 1962 година, кога светот беше на работ на нуклеарна војна.
„Нуклеарната војна беше „сосема веројатна“, но малку е веројатно дека ќе има победник“, напиша Дмитриј Медведев, кој постојано повторува дека поддршката на Западот за Украина ги зголемува шансите за нуклеарен конфликт.
Тој посочи дека има остри разлики во однос на Украина, насоката на човештвото и начинот на кој е структуриран светскиот поредок.
„Постои едно нешто што политичарите од сите слоеви не сакаат да го признаат: таква апокалипса не само што е можна, туку и многу веројатна“, тврди Дмитриј Медведев.
Западните аналитичари го гледаат „нуклеарното штракање“ на Димитриј Медведев како тактика со цел да го заплаши Западот да ја намали воената помош за Украина за Киев да може да започне мировни преговори со Москва.
Димитриј Медведев истакнува дека Москва останува посветена на запирање на Украина да влезе во НАТО.
„Нашата цел е едноставна – да ја елиминираме заканата од членството на Украина во НАТО. Ќе го постигнеме тоа – на овој или оној начин“, нагласува тој.
Со оглед на правилото на НАТО да не се примаат земји вклучени во територијални конфликти, Димитриј Медведев тврди дека конфликтот со Украина може да стане „траен“ со оглед на неговата егзистенцијална природа за Москва.
„Единствениот начин за деескалација на тензиите меѓу Русија и Западот е да се започнат тешки преговори“, вели Димитриј Медведев.
„Конфликтот ќе биде многу долг и предоцна е да се скротат непослушните“, напиша Димитриј Медведев и заклучи за крај: „Конфликтот ќе трае со децении“.