Бугарскиот тенисер Григор Димитров успеа да се пласира во осминафиналето на Индијан Велс, кој по голема борба го совлада Гаел Монфис со 2:1, по сетови 7:6, 4:6, 7:6.
Димитров многу се мачеше против искусниот Монфис, кој беше јасно решен да покаже дека сепак има во себе квалитет кој е подготвен да го покаже пред широката публика.
Тие поминаа три часа на теренот, а во текот на секој сет се гледаше драма.
Најпрвин Димитров загуби брејк во седмиот гем од првиот сет и му дозволи на Монфис да поведе со 4:3, но тој брејк веднаш го врати.
Продолжи нерешено, до тај-брејкот во кој Бугаринот победи. Вториот сет беше далеку порамномерен, со само еден брејк.
Монфис чекаше и ја искористи првата брејк-точка, која беше и сет поен за израмнување на играта.
Во решавачкиот сет Димитров направи брејк уште на стартот поведувајќи со 1:0, но тоа водство го загуби кога сервираше на 3:2.
До крајот немаше брејкови, но Димитров беше пресигурен во тајбрејкот победувајќи со 7:2.
Тој во осминафиналето ќе игра против Карлос Алкараз.