Белата куќа и израелскиот премиер Бенјамин Нетанјаху објавија дека се уште не е постигнат договор за привремен прекин на огнот , откако Вашингтон пост објави дека договорот со Хамас е подготвен и даде детали .
Ројтерс пренесува изјави од резиденцијата на американскиот претседател Џо Бајден синоќа дека САД продолжуваат да работат на договор меѓу Израел и Хамас .
„Тајмс оф Израел“ објави дека Нетанјаху на долга прес-конференција рече дека договорот за ослободување на околу 240 израелски заложници кои се држат во Појасот Газа „се уште не е“ завршен и отфрли „голем број неточни извештаи“ кои се појавија во последните денови .
Сепак, „Вашингтон пост“ синоќа објави дека со посредство на Катар е постигнат договор за ослободување на жените и децата заробени од Хамас во замена за петдневен прекин на огнот .
Американскиот весник цитира извори запознаени со овој шестстран договор, според кој сите страни во конфликтот ќе ги прекинат борбените операции на најмалку пет дена, додека „почетните 50 или повеќе заложници ќе бидат ослободени во помали групи на секои 24 часа“ .
Хамас ги зеде заложниците за време на ненадеен напад во јужен Израел на 7 октомври, кога во таа област беа убиени 1.200 луѓе .