Официјалниот профил на Белата куќа на TikTok, под корисничкото име @whitehouse, е дел од поширока комуникациска стратегија за ширење на пораките на претседателот Доналд Трамп.
Белата куќа отвори официјален TikTok профил под корисничкото име @whitehouse, а во првото видео се појавува претседателот Доналд Трамп со пораката: „Јас сум твојот глас“.
Администрацијата објасни дека сака да ги искористи сите достапни платформи за да допре до што е можно поширока публика, особено до помладите корисници.
@whitehouse America we are BACK! What’s up TikTok?
♬ original sound – The White House
„Посветени сме да ги истакнеме историските достигнувања на претседателот Трамп“, изјави портпаролката Каролин Левит.
Отворањето на сметката доаѓа во време кога во САД беснее правна битка околу иднината на TikTok. Законот од 2024 година бара од кинеската компанија ByteDance да ги продаде американските операции на фирмата или апликацијата ќе биде забранета. Рокот веќе е продолжен неколку пати, а последниот датум е 17 септември оваа година.
TikTok има повеќе од 150 милиони корисници во Соединетите Американски Држави, па потегот на Белата куќа предизвикува дополнително внимание на јавноста.