Сите знаеме дека нашите податоци се собираат секој ден, особено од технолошките гиганти како Гугл. Но, дали некогаш сте се запрашале колку информации навистина имаат за вас?
Видеото на TikTok покажува како точно можете да ги дознаете сите информации што Гугл ги има за вас.
Во 2021 година, корисник на ТикТок објави кратко видео на платформата во кое покажува како можете да дознаете какви податоци има Гугл за вас.
Гугл ги складира своите податоци за вас за „подобро да го оптимизира“ искуството за вас и „неговите услуги да работат подобро за вас.”
Страницата објаснува дека „Гугл ги прави вашите реклами покорисни на услугите на Гугл (како што се „Пребарување“ или „Јутјуб“), како и на веб-локациите и апликациите што прикажуваат реклами во соработка со „Гугл“.
„Рекламите се засноваат на лични информации што сте ги додале на вашата сметка на Гугл, информации од огласувачи кои се партнери со Гугл и проценката на Гугл за вашите интереси. Изберете кој било фактор за да дознаете повеќе или да ги ажурирате вашите поставки“, велат од Гугл.
Гугл ветува дека никогаш нема да ги продава вашите податоци, а компанијата вели дека ги користи за „да ги направи рекламите релевантни“ додека сте онлајн – но тоа го прави без да ги предаде вашите податоци на огласувачите.
И ако навистина не ви се допаѓа, секогаш можете да ја исклучите персонализацијата на Google Ads. Таа опција може да ја најдете на истата страница за поставки за реклами каде што ќе ги најдете вашите податоци.