Доктор Нико Беќаровски со интересна идеја како да се реши кризата со цените на храната кои „дивеат“ од ден на ден.
Тој го оживеа споменот за некогашните народни продавници, познати како нами, но дали оваа идеја од минатото може да се реинкарнира во денешното капитализистичко време и да се „зауздаат“ цените?
– Зошто да нѐ отвориме државни супермаркети “НаМа” (Народен Магазин) кои ќе работат со фиксна маржа од 10% на сите производи, во сите општини низ Македонија? – праша познатиот доктор.
– Газдите на приватните маркети сами нека одлучат со колкава маржа ќе се “заситат”. Ем профитот од преку 35 милиони евра ќе остане во државниот буџет, ем цените ќе станат европски, порача тој.