Докторот Џејсон Синг е многу популарен на TikTok, а неодамна ги предупреди сите патници дека треба да се грижат за едно парче мебел во нивната хотелска соба. Имено, одредени истражувања покажале дека во дури 68 отсто од хотелите и мотелите ширум светот е забележано присуство на паразитски бубачки..
Душекот е секако првото место што ви паѓа на ум кога ќе помислите на бубачки и грини, но има уште едно парче мебел каде овие штетници често се „гнездат“.
„Колкумина од вас ги отпакуваат и ги префрлаат сите свои работи од куферот во фиоките во хотелската соба? Комодите во хотелските соби, особено оние што се направени од дрво и имаат пукнатини, претставуваат висок ризик од наезда на бубачки“, истакнува д-р Синг.
Овој доктор советува да ја закачите вашата гардероба во плакари, наместо да ја редите во фиоки или едноставно да ја чувате во куферот.
„Разговорите со колегите кои работат во јавното здравство ни покажаа дека креветските бубачки се многу чести на неконвенционални места како што се комоди, табли, па дури и приклучници или рамки за слики во хотелските соби“, вели овој доктор.
Д-р Џејсон објасни и како брзо да ги „извадат“ креветните бубачки од нивните скривалишта на површина. Имено, доволно е да го вклучите хотелскиот фен и да го насочите топлиот воздух по шевовите на душекот и пукнатините на дрвениот мебел. „Топлината ќе ги принуди бубачките од креветот да се кријат и ќе можете полесно да ги забележите“, додаде тој.
Да ве потсетиме дека каснувањето од бубачки може да предизвика алергиски реакции и инфекции на кожата. Најчесто, самото каснување е прилично безопасно, но кај некои луѓе се појавува надуеност, чешање и црвенило, а секако наездата на бубачки е последното нешто што го сакате во вашиот дом.