Зелената партија ДОМ ја изразува својата целосна поддршка за претстојниот граѓански протест за чист воздух, во вторник 10.12.2024 од 16 часот, организиран од загрижени граѓани и здруженија.
Борбата за чист воздух е борба за здравјето и иднината на сите нас, и затоа сметаме дека е од суштинско значење да се преземат итни мерки за справување со загадувањето, велат од ДОМ.
„Чистиот воздух е основно човеково право со кое нема компромис! Време е надлежните институции да покажат одговорност и да преземат конкретни и долгорочни мерки за намалување на загадувањето – од промоција на обновливи извори на енергија и воведување на енергетски ефикасни решенија до зајакнување на инспекциските контроли и казнување на загадувачите.
ДОМ верува дека граѓаните имаат моќ да го подигнат гласот за своите права и ги повикуваме сите заинтересирани граѓани да се придружат на протестот. Заедно можеме да ја смениме иднината и да создадеме здрава и чиста средина за идните генерации“, се наведува во соопштението на ДОМ.