Семејство од Словенија отпатува во Лос Анџелес за во живо да го проследи НБА натпреварот помеѓу ЛА Лејкерс и Милвоки Бакс и да го види на дело својот сонародник Лука Дончиќ.
Картите ги платија 1.000 долари, но Лејкерси играа без словенечкиот кошаркар, а натпреварот го пропуштија и Остин Ривс, Руи Хачимура и претходно повредениот Леброн Џејмс.
Бакс лесно го совладаа ослабениот тим на Језера, а неиграноста на Дончиќ и друштвото ги разочара неговите сонародници, кои решија да се огласат на социјалните мрежи.
Нивниот апел почна да го споделуваат навивачите на Лејкерс, а кога веста стигна до Дончиќ, Словенецот реши да ги преземе работите во свои раце и да им ги плати билетите за следниот натпревар на Лејкерс во НБА.
“Немам зборови за ова во моментов. Лука го виде нашиот твит и ми испрати три билети за натпреварот. Ви благодарам многу и благодарам на сите фанови на Лејкерс што го споделија нашиот апел”, напиша споменатиот навивач на Лејкерс.