Лука Дончиќ и Лос Анџелес Лејкерс се договорија за ново поглавје во соработката. Словенечката кошаркарска суперѕвезда потпиша тригодишно продолжување на договорот во вредност од околу 165 милиони долари, потврдија неколку извори од НБА.
Иако имаше шпекулации за неговата потенцијална отвореност да се врати на Истокот или дури и да се врати во Далас, Дончиќ одлучи да остане во „градот на ангелите“, каде што пристигна минатата сезона во размена од Маверикс.
Она што ја прави оваа одлука особено интересна е структурата на договорот.
Наместо максималното петгодишно продолжување што можеше да го потпише доколку останеше во Далас, таканаречениот „супермакс“ договор вреден над 335 милиони долари, Дончиќ избра тригодишен „ветерански макс“ со опција за заминување во 2028 година.
Оваа одлука, како што истакнуваат познавачите на НБА, не е случајна. Имено, Дончиќ тогаш ќе има десетгодишно искуство во НБА, што го квалификува за супермаксимум до 35 проценти од ограничувањето на платите, или потенцијален петгодишен договор што би надминал 417 милиони долари.
На 28 натпревари во дресот на Лејкерси, Дончиќ забележа просек од 28,2 поени, 8,1 скока, 7,5 асистенции и 1,6 украдени топки.