Бредли Купер отсекогаш бил сон на жените, иако не е со стандардна убавина. Меѓутоа, сега изгледа дека актерот малку се „заиграл“ и експериментирал со стиловите на брадата и косата.
Бредли Купер отсекогаш важел за еден од најзгодните мажи во Холивуд . Сепак, на неговите обожаватели изгледа воопшто не им се допаѓа кога го менува добро познатиот имиџ.
Актерот Бредли Купер бил фотографиран од папараците во Њујорк додека се шетал со својата ќерка Леа. Холивудската ѕвезда имаше значително поинаков, многу необичен изглед. Имено, славниот 49-годишник ја промени фризурата и ја обликуваше брадата, а иако овие промени се мали, значително се одразија на неговиот изглед.
Бредли Купер се прошета со својата седумгодишна ќерка во опуштена комбинација – фармерки, црна кошула со кратки ракави и сиви патики, заедно со модерни очила за сонце. Сепак, најмногу внимание привлече неговата необична брада.
Актерот целосно го избричи пределот под долната усна, додека го задржа вообичаениот стил на брада на остатокот од лицето, вклучувајќи ги образите и мустаќите. Ова му даде малку бизарен, но секако впечатлив изглед, сличен на оној на Вулверин, кој го игра Хју Џекмен во истоимениот филм.
Купер, исто така, имаше малку поинаква фризура отколку што обично носи; косата сè уште му беше неуредна, но ја раздели на средина, што дополнително го зголеми неговиот необичен изглед. Не е познато дали Купер ја носи оваа неконвенционална брада за некоја улога или едноставно решил да експериментира, но познато е дека моментално работи на филмот „Is This Thing On“, каде ќе биде и актер и режисер.
Овие недели згодниот ерген често е тема на таблоидите ширум светот поради неговата романса со манекенката Џиџи Хадид. Иако парот никогаш јавно не зборуваше за својата врска, тие често беа видени заедно.