Од Секторот за внатрешни работи во Охрид велат дека по полноќ уапсиле 33-годишен маж, кој е осомничен дека ги киднапирал членовите на семејството на 36-годишен маж и побарал и примил пари во замена за нивно ослободување.
Од СВР-Охрид велат дека по упатства од Обвинителството, ќе поднесат соодветна пријава против 33-годишникот.
„На 18.05.2025 година во 00,50 часот на булеварот „Туристичка“ во Охрид, полициски службеници од СВР-Охрид го лишија од слобода А.Д. (33) од Охрид, кој е осомничен дека сторил кривично дело „грабнување“ по член 141 од Кривичниот законик. Според тоа, претходно бил пријавен во СВР-Охрид дека при телефонски разговор со Џ.Х.Д. (36) од Охрид, побарал и примил пари за ослободување на сопругата, малолетната ќерка и бабата на Џ.Х.Д. СВР-Охрид, по упатствата на јавниот обвинител, презема мерки за целосно расветлување на настанот, по што против А.Д. ќе биде поднесен соодветен извештај“, велат од СВР-Охрид.