Европа е составена од компромиси, тие се важна основа за Европската унија. Во сегашната состојба на пристап до процесот за членство, нема вето за вашата земја, рече денеска германската амбасадорка Петра Дрекслер, на настанот по повод Денот на Европа во организација на Европското движење во Македонија во соработка со Конрад Аденауер. основа.
Според неа, основата за членство во ЕУ е во процесот на реформи.
„Земјите членки се согласуваат дека треба да се овозможи почеток на преговорите, додека германската перспектива е да се зајакне Европа и надворешно и внатрешно, додека ние мора да најдеме начин да дојдеме до решение во Европа. Повеќето одлуки во ЕУ се носат со квалификувано мнозинство“, рече Дрекслер.
Германската страна, додаде таа, може да замисли дека треба да се зголеми бројот на одлуки со квалификувано мнозинство.
„Сепак, суштината на нашата сила е да се обидеме да постигнеме компромиси. Не смееме да се откажеме од компромиси. И почетокот и крајот на преговорите се одлуки кои се носат едногласно. Ништо не е сменето во оваа област“, заклучи германскиот амбасадор.
Словачкиот амбасадор Хенрик Маркуш, пак, рече дека Словачка е силен поддржувач на овој регион со голем број иницијативи.
Амбасадорот Маркуш рече дека не треба да чекаме Македонија да ги надмине проблемите. Во 20-те години по Солун, оцени Маркуш, се уште зборуваме за тоа колку е важно проширувањето и не зборуваме доволно за тоа како да се направи. Поминуваме низ непродуктивни ставови, тоа е многу тешко да се надмине.
„Во Македонија има нов претседател, наскоро нова влада, мислам дека имаат шанса и ќе ја искористат оваа можност да ја надминат оваа позиција и да постигнат нешто. Отсекогаш сум бил изненаден од фактот дека нема кој да го подигне знамето и да ги собере овие пријатели на проширувањето на Западен Балкан и да спречи некои од настаните што доведоа до оваа позиција“, рече Маркуш, осврнувајќи се на патот на земјата кон на ЕУ.
Тој го цитираше Кофи Анан, кој рече дека е вистинското време и дека изборот е јасен. Да ја искористиме оваа можност, оваа можност што ни се дава и да работиме заедно за обединета Европа“, рече Маркуш.