Демократската унија за интеграција реагираше на средбата што се очекува да се одржи меѓу премиерот на државата, Христијан Мицкоски и лидерот на СДСМ, Венко Филипче.
Од ДУИ оваа средба ја нарекуваат кокетирање на две македонски партии, што го докажува очекувањето на актуелната моноетничка власт.
Ја обвинуваат албанската коалиција ВАЛЕН дека не реагирала.
Целосна реакција:
РЕАКЦИЈА за средбата Мицкоски – Филипче
Ја изразуваме нашата длабока загриженост за сè поизразената моноетничка доминација што Владата ја демонстрираше во првата година од своето владеење, а сега, веќе на јавна сцена, во овој тренд ја вклучува и етничката македонска опозиција.
Јавното мислење е згрозено од овој отворен флерт меѓу Мицкоски и Филипче, за полноќни средби во интимна политичка атмосфера, каде што ништо помалку и ништо повеќе не се планира за регулирање на идните политички случувања.
И покрај тоа што досега ништо не се прашани, гнасниот молк на албанскиот партнер во Владата е доказ за целосна потчинетост.
Да потсетиме дека Република Северна Македонија е добро познат модел на функционална мултиетничка демократија, со јасна евроатланска ориентација.
Овој вредносен систем е внимателно вткаен во трите фундаментални документи на земјата: Охридскиот рамковен договор, Договорот од Преспа и Договорот за пријателство со Република Бугарија, чија имплементација ја гарантираат нашите стратешки партнери, ЕУ и САД.
На Република Северна Македонија и треба вистински политички дијалог, но не на интимни полноќни средби, туку во достоинствен политички формат, со јасна застапеност на сите граѓани, каде што се разговара за фундаментални прашања од значење за државата.
Основниот модел на мултиетничкиот карактер на државата е систематски загрозен, како што е загрозен и процесот на интеграција на земјата во Европската унија.
Тоа се два стратешки столба кои сериозно ја загрозуваат долгорочната стабилност и просперитет на земјата и тоа треба да бидат приоритетите на кои треба да се води вистински политички дијалог.