Папата Франциско изјави дека кога ќе дојде време сака да биде погребан во едноставен дрвен ковчег.
Во новиот церемонијален документ објавен денеска, Ватикан рече дека папата Франциско сака да ја избегне традицијата на закопување на папите во три поврзани ковчези направени од дрво чемпрес, даб и олово, а наместо тоа да бидат закопани во едноставен ковчег обложен со цинк.
Папата, исто така, одлучи неговото тело да не биде изложено на подигнат столб во базиликата Свети Петар како што беше случајот со претходните папи, за посетителите да му оддадат почит, туку неговото тело да остане во ковчег со отворен капаг.
Тој изрази желба да биде погребан во базиликата Света Марија Велика во Рим. Последниот папа кој бил погребан надвор од Ватикан бил папата Лав XIII, кој починал во 1903 година и бил погребан во базиликата Свети Јован Латеран.
Папата Франциско, кој на 17 декември ќе наполни 88 години, неодамна имаше здравствени проблеми.
Тој користи инвалидска количка поради болки во колената и грбот.