Европската Унија го казни Гугл со 2,95 милијарди евра за злоупотреба на моќ во секторот за рекламна технологија.
Европската комисија во петокот објави дека технолошкиот гигант Гугл ги прекршил законите за конкуренција со тоа што ги фаворизирал сопствените производи за прикажување онлајн реклами, на штета на своите конкуренти.
Гугл им посочи на американските медиуми дека одлуката на Европската комисија е погрешна и дека ќе се жалат.
„Се наметнува неоправдана казна и бара промени што ќе им наштетат на илјадници европски бизниси со тоа што ќе им го отежнат заработката“, рече координаторката за глобални регулаторни прашања на Google, Ли-Ан Малхоланд.
Американскиот претседател Доналд Трамп, исто така, ја нападна одлуката, велејќи во објава на социјалните мрежи дека е „многу неправедна“ и заканувајќи се дека ќе започне истрага за европските технолошки практики што би можеле да доведат до царини.
Сепак, казната од речиси три милијарди евра останува, а ова е една од најголемите казни што Европската Унија досега им ги изрече на технолошките компании обвинети за кршење на правилата за конкуренција.