Европската централна банка (ЕЦБ) денеска повторно ја зголеми референтната каматна стапка за 0,5 отсто со цел да ја потисне високата инфлација, иако европската економија забавува.
Банката од Франкфурт, која во декември и ја зголеми референтната каматна стапка за 0,5 отсто, најави дека ќе продолжи со ваквите потези.
Како што е наведено, Банката ќе ја задржи референтната каматна стапка на нивоа што можат да обезбедат навремено враќање на инфлацијата до два отсто, што е среднорочна цел.
И британската централна банка денеска ја зголеми основната каматна стапка за 0,5 отсто, додека Федералните резерви на САД вчера ја зголемија стапката за 0,25 отсто.
Зголемувањето на референтната каматна стапка на ЕЦБ може да го запре економскиот раст ако тие се неумерени. Бидејќи зголемувањата се чести, Лагард денеска призна дека „економската активност значително забави“ од средината на минатата година и се очекува да остане слаба бидејќи побарувачката се намалува ширум светот, а руската војна во Украина создава несигурност.
Економијата на еврозоната стагнира, со раст од само 0,1 отсто во последните три месеци од 2022 година.