Ако често се будите навечер и не можете повторно да заспиете, едноставна психолошка техника би можела да ви помогне повторно да заспиете.
Општиот лекар Др. Вилијам Лу објаснува за New York Post: ,,Секогаш ги советувам пациентите да станат од кревет ако не можат да заспијат. Оваа техника во когнитивно-бихејвиоралната терапија за несоница се нарекува контрола на стимулот”.
Тој нагласува колку е ефикасно да се седи на кауч или удобно столче.
„Целта на станувањето од кревет е да се намали поврзаноста на креветот со будноста. За краткотрајна несоница, оваа практика може да ви помогне да го расчистите вашиот ум“, објаснува Лу. Експертот за сон Мартин Сили истакнува дека креветот понекогаш може да се поврзе со стрес, што го отежнува заспивањето.
Сили советува кога се фрлате и се вртите во кревет и не можете да заспиете, обидете се да се преселите во друга, поладна просторија. Легнете на каучот и поминете 10-15 минути во вашата нова околина. Напуштањето на креветот помага при ментално ресетирање, намалување на напнатоста и анксиозноста што може да го попречат сонот.
„Прилагодувањето на површината, температурата и околината може да го прекине циклусот на фрустрација од несоница. Ова делува како ментално ресетирање, помагајќи да се намалат напнатоста и анксиозноста што го отежнуваат заспивањето“, објаснува Сили.
Одењето во кревет само кога сме навистина поспани, исто така може да помогне во подобра контрола на сонот. Експертите ја истакнуваат разликата помеѓу замор (ниска енергија) и поспаност (тешкотии да останете будни) – ако сè уште имате енергија, избегнувајте кревет.
Несоодветната перница исто така може да го наруши сонот. „Ако вратот непријатно ви се заоблува, можеби е време да ја смените перницата“, вели др. Лу, додавајќи дека положбата за спиење го одредува најдобриот избор – пониска перница за спијачи на грб, повисока за странични спијачи“.