Премиерот на Албанија, Еди Рама, реагираше на одлуката на Владата на Србија да прогласи Ден на жалост во знак на почит кон загинатите во нападот на Косово што го извршија локални Срби, посочувајќи дека тоа е најлошото нешто што можеле да го направат.
„Официјално прогласена жалост во Белград за вооружената група која беше уништена од безбедносните сили на Косово, откако беше убиен полицаецот од таа група, е најлошиот сигнал што Србија може да го даде на регионот и на меѓународната заедница“, вели тој.
Тој посочува дека треба да се отвори сериозна истрага за членовите на таа криминална група, нивните врски со трговци со оружје и други поединци или субјекти во Србија.
„Со овие црни прогласи кои немаат врска со 21 век, се разгорува вооружен конфликт кој не се случил од 1999 година“, вели Еди Рама.
Тој додава дека тоа не само што е неоправдано и неприфатливо, туку и за осуда.
„Ова е моментот кога Србија мора јасно и цврсто да одлучи дали ќе биде со Европа и демократскиот свет или со сенка од себе на крајот на 20 век“, заклучи Еди Рама.