Рускиот напад одзеде пет животи, вклучувајќи и едногодишно дете.
Пет лица загинаа, меѓу кои и едногодишно дете, а шест беа ранети во рускиот напад врз градот Прилуки, во Черниговската област, изјави утрово гувернерот на таа област, Вјачеслав Чаус.
„Вечерва непријателот го нападна градот Прилуки со беспилотни летала. Куќите во станбената зона беа оштетени од експлозии“ , рече тој на Телеграм, објави Укринформ.
Според него, меѓу загинатите имало две жени и едногодишно дете кое било пронајдено под урнатините.
Исто така, има информации за шест повредени лица, кои се хоспитализирани во локалните болници и добиваат секаква потребна помош.