Луѓето кои не можат да стојат на една нога 10 секунди имаат поголема веројатност да умрат во следната деценија, покажува едно истражување.
Истражувачите побараа од учесниците да извршат едноставна задача, која вклучуваше подигнување на едната нога и држење на рацете на нивните страни.
Оние кои не можеле да ја задржат позицијата најмалку 10 секунди имале 84 отсто поголеми шанси да умрат за време на студијата отколку оние што можеле.
Научниците сугерираат дека борбата за рамнотежа може да биде знак за губење на мускулите, оставајќи ги постарите луѓе на зголемен ризик од паѓање.
Се проценува дека 684.000 луѓе годишно ширум светот умираат од падови, а многу повеќе страдаат од компликации кои на крајот резултираат со смрт.
Авторот на студијата, д-р Клаудио Гил Араујо, од Бразил, рече: „Нашата студија покажува дека неможноста да се заврши тестот за една нога од 10 секунди кај средовечни и постари учесници е поврзана со поголем ризик од смртност од сите причини и следствено, пократок животен век“.
Тој и неговиот тим проучувале 1.702 мажи и жени на возраст од 51 до 75 години. Од нив, 348 не можеле успешно да застанат на една нога 10 секунди – главно над 70 и оние кои имале прекумерна тежина или имале дијабетес.
Истражувачите потоа го следеле секој човек во просек седум години помеѓу 2008 и 2020 година. Починале вкупно 123 лица, од кои 4,6 отсто од починатите биле меѓу групата која можела да балансира, а 17,5 отсто која не можела.
Дури и по земањето во предвид возраста, полот, дебелината и другите здравствени состојби, смртноста сепак била далеку повисока во втората група.