Вчера во 18:55 часот, полиција од Полициската станица Карпош го приведе педесет и петгодишниот И.А. од Скопјe, поради сомнение дека сторил кривично дело по член 303 од Кривичниот законик (загрозување на безбедноста на воздушниот сообраќај).
Министерството за внатрешни работи соопштува дека на 06.07.2025 година околу 18:00 часот, додека полицискиот хеликоптер се приближувал кон местото каде што реката Лепенец се влева во реката Вардар со цел да го наполни со вода за гаснење на пожарот во регионот Блаца, пилотите забележале лице кое влегло во плиткиот дел од коритото на реката Вардар и мавтало со рацете, по што присутните на местото на настанот ги известиле дека лицето фрлало камења кон авионот „Бел 412“ и дека биле принудени да ја променат локацијата на полнењето со вода, бидејќи биле ставени во екстремен безбедносен ризик при извршување на должности за потребите на државата и граѓаните.
По преземените мерки и активности, И.А. е пронајден и приведен, а по документирање на случајот против него ќе биде поднесена соодветна кривична пријава.