Серија силни земјотреси ја погодија територијата на Балканот во изминатите неколку дена. Ним им се придружија земјотресите од регионот. Само во претходните пет дена имавме земјотреси со јачина од над 3,5 степени според Рихтеровата скала кои ги погодија Романија (4,2), Крушевац (3,9), Задар (2,4), а како врв на се, вчера во текот на денот имаше два земјотреси во Врање (3,7 и 3,9 степени според Рихтер).
Зголемената сеизмолошка активност започна на почетокот на оваа година кога беа потресени Младеновац, Доњи Милановац и Лазарец, а посилни земјотреси во текот на годината ги погодија Босна и Херцеговина, Хрватска и Црна Гора, кои имаа сериозни проблеми поради земјотресите во април годинава.
Познатиот сеизмолог Славица Радовановиќ објасни дека зголемената сеизмичка активност треба да се сфати како предупредување .
– На сите, вклучително и на сеизмолозите, им е очигледно дека сеизмичката активност се зголемува во нашиот регион. По неколку години, кои поминаа без поголеми земјотреси, на територијата на Србија почнаа да се случуваат земјотреси посилни од 3 степени. Од Врање, Крушевац, Параќин, Сврљиг, кога ќе помислите на Младеновац и другите земјотреси што се случија претходната година, станува јасно дека доаѓа посилен земјотрес.
– Според една теорија, која ја поткрепува разорниот земјотрес од Црна Гора во 1979 година, повеќе области со зголемена активност и земјотреси кои се движат над 3 степени ќе доведат до посилни земјотреси, кои кај нас не можат да бидат толку страшни како оние во светот, но тие се секако разурнувачки. Тој земјотрес ќе се случи на точката која беше единствената што не се потресе. Треба да се испита каде ќе се случи тоа. Не можеме да знаеме кога, но можевме да провериме каде и да ја подготвиме областа. Од моето искуство, тоа ќе се случи или во Србија или во пограничните области на соседните земји кои ни граничат – изјави Славица за Телеграф.рс и посочи дека искуството нè наведува на заклучок дека тоа ќе се случи следната година:
– Кога на 15 април 1979 година, земјотрес со јачина од 7 степени според Рухтеровата скала ја погоди Црна Гора и однесе повеќе од 100 животи, една година претходно земјата почна вака да се тресе. Ова нè наведува да претпоставиме дека следниот разорен земјотрес ќе се случи во текот на следната година. Ќе знаеме дека сме влегле во последната фаза кога ќе се случи земјотрес со јачина од 4 или дури 4,5 степени според Рихтеровата скала.