Во Германија започнува една од најголемите судски постапки во историјата на таа земја. Во понеделник на суд ќе се појави првата од трите групи екстремно десничарски теоретичари на заговор кои планираа насилно да го соборат парламентот.
Водачот на 26-те осомничени е поранешен војник, теоретичар на заговори, астролог и антиваксер Хенрик XIII, Принц Ројс (72 ). Инспекторите мораа да ги поделат 27-те лица поврзани со планот за рушење на парламентот во три групи поради различни „логистички и безбедносни причини“.
Судењето на таканареченото „воено крило“ започнува во понеделник во Штутгарт, додека Русинот и уште осум членови на групата ќе се појават пред судиите на 21 мај во Франкфурт. Антисемитскиот бизнисмен Принц Ројс потекнува од аристократско семејство, а групата се заснова на желбата насилно да го елиминира државниот поредок.
Доколку нивниот план успееше, тој ќе беше прогласен за привремен шеф на новата германска држава, според нејзините граници од 1937 година.
Планирале да упаднат во Рајхстагот
Обвинителите тврдат дека групата планирала вооружена да влезе во Рајхстагот во Берлин и да ги уапси членовите на Бундестагот, германскиот парламент. Нивната цел беше насилно да ги елиминираат постоечките државни функционери и да ги заменат со сопствена влада, а деталите ги разработија од август 2021 до декември 2022 година кога беа откриени во една од серијата големи антитерористички рации во кои илјадници полицајци пребарале 150 имоти во Германија и во странство.
Најголем дел од членовите се поврзани со екстремистичкото движење „Рајхсбургер“ во Германија. Обвинителите наведуваат дека имале пристап до огромен арсенал кој содржел 380 огнени оружја, 350 оружја за навалица и речиси 148.000 парчиња муниција, кои тие ги нарекле „бонбони“.
Во деталните планови, истражителите пронајдоа „листа за убиства“ составена од поранешниот елитен војник Питер Вонер, а на списокот беше и канцеларот Олаф Шолц. Како дел од подготовките за новиот „режим“ во кој требаше да има значајна улога, Вонер нарачал униформа „во стилот на нацистичките воени униформи“ од кројач.
Пред судот ќе се појави и Томас Т. (60), кој со идната „министерка за транскомуникации“ Хилдегард Лајдинг (60) преку „духовен пат“ бараше кандидати за идната влада според нивните датуми на раѓање, како и 57-годишната докторка Мелани Ритер, специјализирана за гатање со помош на јајца.
Во приказната наводно е вмешан и наградуван готвач од Австрија чија задача била да готви здрава храна за лидерите на новиот режим. На првиот состанок на групата на 25 октомври 2021 година во баварски паб, принцот Ројс зборуваше за тоа како сака меѓународната заедница да ја признае неговата замислена држава, Војводството Ројс. Тој се обидел да ја постигне оваа цел со лобирање во рускиот конзулат во Лајпциг преку неговата девојка од Русија. Наводно пред Генералниот конзулат изјавил дека „ќе покаже дека германскиот волк и руската мечка прават непобедлив тим“.