Познатиот британски пејач Елтон Џон изјави дека е можно и изводливо да се искорени СИДА-та до 2030 година, а неговата хуманитарна организација покрена нова иницијатива.
Фондацијата за СИДА на Елтон Џон денес започна тригодишен фонд од 125 милиони долари за борба против зголемената стапка на ХИВ инфекција во ранливите заедници.
Зборувајќи за фондот во гостувањето на емисијата „Good Morning America“ (GMA), пејачот изјавил: „Имаме уште работа, но затоа го започнувам ова, ние навистина сакаме да ставиме крај на СИДА-та до 2030 година, мислиме дека тоа е можно и изводливо, така што ние само сакам да продолжам“.
Фондот ќе поддржи пристап до превенција и третман на ХИВ за повеќе од еден милион луѓе, вклучително и овозможување пристап до тестирање, антиретровирусни терапии и профилакса пред изложување на ХИВ (PrEP).
Елтон Џон го лансираше и предизвикот „Let Your Inner Elton Out“, кој ги охрабрува луѓето да ја подигнат свеста за СИДА и ХИВ на социјалните мрежи со спомнување на 76-годишната мегаѕвезда.
„Пораката е, ајде, ајде да собереме пари, ајде да го завршиме ова“, вели тој и додава: „Ќе предизвикам некои од моите пријатели… Ќе ги предизвикам Михаела Џ. Родригез, Нил Патрик Харис и Џо Џо Сива за да видам што ќе смислат“.
Светски познатиот кантавтор зборуваше и за неговата турнеја „Farewell Yellow Brick Road“: „Ќе биде емотивно, но не размислувам за тоа. Јас сум само концентриран на следното најдобро шоу што можам“.
Завршниот концерт треба да се одржи во Стокхолм, Шведска, следниот месец. Тој додаде: „Моите синови ќе бидат на последниот концерт. Тоа ќе биде одлична прилика и кој знае како (ќе) се чувствувам“.
Тој претходно потврди дека ова дефинитивно ќе биде неговата последна турнеја, истакнувајќи дека само на оваа турнеја ќе одржи речиси 350 концерти.