Државниот секретар на САД, Ентони Блинкен, денес изјави дека Вашингтон сака да дознае каде се наоѓа американскиот војник Тревис Кинг, кој на 18. јули ја премина демилитаризираната зона што ги дели Северна и Јужна Кореја и пристигна во Северна Кореја, додавајќи дека САД ја побарале таа информација од Пјонгјанг.
За време на неговото обраќање на дискусијата на безбедносната конференција во Аспен, тој изјави дека САД се „подготвени да водат преговори со Северна Кореја за нуклеарната програма без предуслови“.
Пентагон вчера контактирал со Северна Кореја за американскиот војник, но немало одговор од Пјонгјанг, па останува нејасно дали Тревис Кинг пребегнал или сака да се врати.